د عصر ځوان
درکوچه های سرخ شفق
، معاصر
چیغه دغیرت یمه ، دنوی عصر ځوان يمه
پوهه می وسله ده خرافاتو سره وران يمه
زړه کی می نخیزی دوطن او انقلاب مینه
سر به تری قربان کړم، غیرتی زلمی افغان یمه
لارد پرمختگ دی په خځلو بندیدای نشی
سين يمه، سیلاب يمه، څپه یمه ، توفان يمه
ځوانه عقیده ی له پولادونه هم کلکه ده
زه دځوانی لاری دسختيو قهرمان يمه
ما دبیدر دانو دمستی دنیا ته مه بوله
زه دخپلو خلکو د دردونو ترجمان يمه
اوښکه ديتيم يم، اسویلی دمزدورانی يم
کورد ظالمانو ته سورتندر د آسمان يمه
ډیری کښی خولی می په سوکانو سمی کړی دی
زه د وچو دښتو ، دنگو غرونو پهلوان يمه
لاره دشرف او افتخار دخلکو لاره ده
ځکه بی پروا په همدغه لاره روان يمه . . .