ویسه ویس Visa'vic

دا كلمه بيله هغه (ويسيا يا ويش) چه دمخه په آريائي څلورو ډلو کي ذکر شوه، ځانته مستقله کلمه ده تر گرام لوړه په اجتماعي تشكيلاتو کي ويسه وه چه د څو گرامو وگري به يوه ويسه بلله كيده، او مشر ئې ويس پتي،

vispati یا راجن rajan باله.

گایگر المانی لیکي: چه (ویس) په اوستائي دوره کي هم کلي ته ویل کیدې، هم یوې قبيلي ته چه څو کورنۍ

ئې درلودې او د اوستا vis د سنسكريت له vic سره يو دي چه په ریگویدا کي دکور، كورني، تبر معاني لري. 

داسي معلوميږي چه د (و، ی، س) په طبيعت کي د سکونت او هستيدلو معاني پراته دي، مثلا د ويدا او اوستا (ویس) د انگليسي هاوس house د پښتو (وسیدل، وسيده، هستیده ، اوسي) ټول دغه مواد لري. 

لکه محققین چه وايي ويسه هم د اوسيدونکي او مستقر او ساکن په معناؤ دي او لدې جهته چه ویس هم د اوسيدلو او استقرار ځاي ؤ نو د پښتو د وسيدل له مصدره سره ئې رابطه ډيره نژدې ده.